¤©§][§©¤][ مرحباً بكمـ زوارنا الأعزاء ؛؛ نتمنى لكمـ المتعهـ والإفادهـ ][¤©§][§©¤
 
الرئيسيةالبوابةس .و .جالتسجيلدخول

شاطر | 
 

 قصيدة عشان انت مصري

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زائر
زائر



مُساهمةموضوع: قصيدة عشان انت مصري   الأحد ديسمبر 28, 2008 3:31 pm









هذه قصيدة للشاعر الكبير أحمد فؤاد نجم
والقصيدة بعنوان عشان انت مصري

عشان انت مصرى عشان انت مصرى
لازم تعانى وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى
عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك

ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله
بتوصل لشغلك بدم اتحرق
فى زحمه وكتمه وحر وعرق
رئيسك سيبلك كومة ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعك
وعركه وهوجه وشاى اندلق
ومخك خلاص من الصداع اتفلق
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت

تزعق تهاتى يا ناس اتهريت
ولاحد سامعك مهما هاتيت
عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟


جتك ........

الرجوع الى أعلى الصفحة اذهب الى الأسفل
SoSo
Admin
Admin
avatar

انثى
عدد الرسائل : 682
العمر : 27
الموقع : في قلوب اللي بيحبوني !!!!
العمل/الترفيه : طاااااااالبة في جامعة قطر للاسف
المزاج : لعلـ خيرآآآآآآآآآآآآآآآآآآآآآآآآآآآ
تاريخ التسجيل : 14/05/2008

مُساهمةموضوع: رد: قصيدة عشان انت مصري   الأحد ديسمبر 28, 2008 7:35 pm

اخي العزيز " الصغير" : أشكرك على مشاركتك


و لكن ...
لي رأي...
مهما قال شاعرنا فسيظل قلبه معلق بارض الكنانة يحبها حبا جما ؛ فهو القائل "


أنا مصرى إبن مصرى وليا الشرف



أنا مصرى إبن مصرى وليا الشرف


برغم المهانة برغـــــــــــــــم القرف


برغم الزبالة اللى ماليه الشــــــوارع


برغم الفســـــــــــاد اللى بيه أعترف


سمو معـــــــــــــــالى رئيس الوزارة


نتيجة موظف بسيـــــــــــــط إنحرف


برغم المجاعة اللى داخلين عليهــــــا


وفينا اللى عـــــــايش حياته فى ترف


برغم البطــــــــالة فى أوضة وصالة


برغم أن آخر جنيـــــــــــــه اتصرف





برغم طـــــــــــابور الصباح السخيف


وكل منايا يادوب كــــــــــــــام رغيف


برغم أسايـــــــــا لمنظر عشايـــــــــــا


وأقول مش مهم يــــــــــا واد نام خفيف


برغم إنى شايف بــــــــــلاوى وساكت


وعايش مطنش كـــــــــــــــــأنى كفيف


برغم وزارة رئيسهـــــــــــــــا حرامي


وشوفوا البجاحـــــــــــــة يقولوا نظيف


برغم الســـــــــــلام اللى غرقت بناسها


برغم العيـــــــال اللى ساكنة الرصيف





برغم حكومة شعـــــــــــــارها الكلام


ورغم رئيسنــــــــــــــــا عليه السلام


ورغم أن كله يــــــــــــــا عالم بيغلى


إلا كرامتى بترخص قــــــــــــــــوام


برغــــــم إنى عايش في بلدى فريسة


ووجبة شهية لبعض اللئـــــــــــــــــام


برغم أن كـــــــــــــل تاريخك يا بلدى


فعهد جنابه كـــــــــــــلام فوق رخام



برغم ده كله يــــــــــــا مصر بحبك


وطظ فيهم ودا آخر كلام
"


وأنا أويده الرأي ..

فمصر ستظل أم الدنيا وارض الكنانة وبلد الأمن والأمان .. وجندها خير أجناد الأرض كما قال عنهم رسولنا الكريم - صلى الله عليه وسلم

الإمضاء : "" عاشقة لهذا العلم "




مصــــــــــرية ... وافتخــــــــــر
لو لكم أكن مصرية ....... لوددت أن أكون ... مصريــــــــــــــــــة .



_________________
سقفـ بيتيـ حديـد ؛؛
ركنـ بيتيـ حجر ؛؛
فاعصفيـ يا رياحـ ؛؛؛
وانتحبـ يا شجر ؛؛
واسبحيـ يا غيومـ ؛؛
واهطليـ بالمطر ؛؛
بابـ قلبيـ حصينـ ؛؛
من صنوفـ الكدر ؛؛


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://r-s-s-l-y.kalamfikalam.com
زائر
زائر



مُساهمةموضوع: رد: قصيدة عشان انت مصري   الإثنين ديسمبر 29, 2008 9:14 pm

وأي انسان على وجه الأرض يحمل بين ضلوعه قلبا مثل قلوب البشر لا يحن ويشتاق الى أرض النيل أرض الكنانة أم الدنيا حبيبتي مصر

ولكن الشاعر الكبير انما يصف في قصيدته ما يراه من فساد في أرضنا أو كما يرى

وهو يفتخر بأنه مصري وأنا أفتخر بل كل الفخر لي لأنني مصري
الرجوع الى أعلى الصفحة اذهب الى الأسفل
 
قصيدة عشان انت مصري
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات السيف الوردي :: منتدى الخواطر والأشعار-
انتقل الى: